gennaro langella

Il mio blog..

Oroscopo (10)

Astrologia vesuviana

Oroscopo napoletano - mese di ottobre 2008

28 September 2008, 17:07:50

O   R   O   S   C   O   P   O       N   A   P   O   L   E   T   A   N   O
OROSCOPO OTTOBRE 2008   • Ariete   • Toro   • Gemelli   • Cancro   • Leone   • Vergine   • Bilancia   • Scorpione   • Sagittario   • Capricorno   • Acquario   • Pesci   Ariete 20 marzo ~ 19 aprile           Venere tra poco lassa 'o segno tujo, ma tu nun te 'a preoccupa' pecche' tieni a Mercurio ca te guarda, e a coppo 'o cielo te 'ncuraggia dandoti 'a carica justa pe' te fa purta' a cumpimento chilli pruggetti ca tieni dint' 'a capa e ca ancora nun l'hai realizzati. Chist' e' 'o mese d' 'e suddisfazioni, dint' 'o campo d' 'o lavoro e pure in ammore, e si staje ancora libbero truov' ampressa chi te fa cumpagnia. Si vuo' tenta' 'a furtuna juocate 'sti tre nummeri: otto, sirece e sissantotto.   Toro 20 aprile ~ 20 maggio           'A primma mmità d' 'o mese Marte e Venere te fanno 'nu poco e ombra, ma 'a calma e 'a saggezza ca tieni te fanno riusci' a supera' 'stu periodo 'nu poco 'mbriacato. Doppo 'o 18 Ottobre 'e ccose vanno meglio. E' in arrivo 'na proposta e lavoro ca te porta a fa' 'nu viaggio. Chiste so' e 3 nummeri: cinche, trenta, e cinquantadue.   Gemelli 21 maggio ~ 20 giugno           'O Sole, Mercurio e Venere te mettono 'o buonumore. Nun cagna' 'a via vecchia p' 'a nova, e si proprio vuo' fa 'nu cambiamento penzace bbuono, e vide e nun piglia' 'na decisione 'mpruvvisa. 'E nummere furtunate so': quinnece, trenta e quarantasei.   Cancro 21 giugno ~ 22 luglio           Chiste e' 'nu mese 'nu poco strano, pecche' mentre Marte e Venere te teneno 'a simpatia, 'nce sta 'o Sole e Mercurio ca te fanno 'e dispietti. Pe' tte Ottobre sarra' comme 'e "Mmuntagne Russe", mentre staje 'ncielo cadi 'nterra, oppure 'o cuntrario. Si nun tieni niente 'a fa' juocate 'sti nummeri: diciannove, sissantanove e sittantuno.   Leone 23 luglio ~ 22 agosto           Sole, Mercurio, Marte e Giove stanno alla grande dinto 'o segno tujo, pircio' chisto e' 'nu mese furtunato ca te farra' purta' a termine tutti 'e prugetti tuje. 'Nce sta sulo Venere ca po' dda' prubblemi d'ammore, ma tanto a te che te ne 'mporta, tu nun si' proprio 'nu sentimentale. 'E nummere so'chiste: Otto, quaranta, e nuvanta.   Vergine 23 agosto ~ 22 settembre           'A pusitivita' 'e Venere te da' 'a tranquillita' pe' tutto 'o mese. Marte e Mercurio te fanno sicuramente quacche dispietto, e te fanno addiventa' ancora cchiu' 'mpulsivo. Pe' nun ghi' 'ncontro a prubblemi te conviene a sta a senti' e parla' poco. 'Sti tre nummere so' pe' tte: Ddoje, nove e cinquanta.   Bilancia 23 settembre ~ 22 ottobre           Pe' tte Uttombre e' 'nu mese 'mpurtante. 'O Sole e Marte te danno 'a tranquillita' e 'a salute. Tra pochi juorne pure Venere trase dinto 'o segno tujo. Pircio' si 'nce stato n'appicceco 'nfamiglia ampressa se risolve. Vintiroje, vintisei e sittanta so' 'e nummeri ca te portano bbuono.   Scorpione 23 ottobre ~ 22 novembre           Chistu mese 'o Scurpione nun tene quasi nisciuno pianeta cuntrario a parte Venere che tra poco se mette 'e travierzo e po' dda' quacche probblema sul campo amoroso. Pe' passa' 'o tiempo cu 'na jucata piccerella: dieci, trentadoje e uttantotto.   Sagittario 23 novembre ~ 21 dicembre           Tra poco Venere t'abbandona, pircio' faje attenzione sul lavoro e pure cu' ll'amici. Evita 'e nnuvita' pecche' siccomme ca tu si' 'nu poco ingenuo, 'a ggente furba se ne po' apprufitta', e doppo tu 'nce rimani male. 'E 3 nummeri tuje so': Sette, quattuordece e quarantuno.   Capricorno 22 dicembre ~ 20 gennaio           Pare ca Marte e Venere teneno 'a pacienza cu tte, ma 'o Sole e Mercurio te ponno da' qualche preoccupazione. 'Stu mese nun fa' troppe spese pecche' 'nce sta in previsione 'nu viaggio . 'A salute va a migliora'. 'E nummere tuje so'chisti: trentacinche, trentotto e uttantanove.   Acquario 21 gennaio ~ 19 febbraio           Fino 'o 6 Ottobre puoje sta tranquillo, po' doppo Venere se gira 'o ccuntrario, pero' sia 'o Sole ca Mercurio te danno 'na mano e te pruteggono. 'O lavoro te po' dda' grosse suddisfazioni, mentre cu' ll'ammore 'nce starranno discussioni assaje appicciate. Juocate: tre, vintisei e quaranta.   Pesci 20 febbraio ~ 19 marzo           'A primma mmita' d' 'o mese 'nce stanno poche nuvita', doppo arriva Venere ca te po' dda' 'na marcia 'e cchiu'. Cerca 'a sfrutta' 'o mumento favurevole pure pe' risolvere 'nu prubblema personale. 'E nummere tuje so': sette, sissanta e sittanta		ASTROLOGIA 'O zodiaco d' 'o blogantropo caratteristiche dei segni zodiacali   OROSCOPO NAPOLETANO DEL MESE Marzo 2008 Aprile 2008 Maggio 2008 Giugno 2008 Luglio 2008 Agosto 2008 Settembre 2008

    blogantropo

28 September 2008, 17:07:50   0 commenti

ZODIACO NAPOLETANO

L'oroscopo del Vesuvio del mese di Settembre 2008

23 August 2008, 22:14:30

O   R   O   S   C   O   P   O       N   A   P   O   L   E   T   A   N   O
ASTROLOGIA 'O zodiaco d' 'o blogantropo caratteristiche dei segni zodiacali     OROSCOPO NAPOLETANO DEL MESE Marzo 2008 Aprile 2008 Maggio 2008 Giugno 2008 Luglio 2008 Agosto 2008 Ottobre 2008		OROSCOPO SETTEMBRE 2008   • Ariete   • Toro   • Gemelli   • Cancro   • Leone   • Vergine   • Bilancia   • Scorpione   • Sagittario   • Capricorno   • Acquario   • Pesci   Ariete 20 marzo ~ 19 aprile           'O cielo e Settembre, pe' ll'Ariete e' 'nu poco griggio. 'E ccose nun vanno troppo bbone e state 'nu poco nervuse, pircio' vedite e nun ve 'a piglia' cu 'e cumpagne vuoste pecche' lloro nun teneno colpa e niente. 'O Sole, doppo 'o 21, pe' ve fa n'atu dispietto lassa 'a Vergine e se va a mettere dint' 'a Bbilancia, e pe' vvuje e' n'ata mazzata 'ncapa. Pure si nun e' rrobba vosta, vedite e tenè 'nu poco e pacienza. Gruosse prubblemi 'e salute nunn' 'e tenite pero' arriguardateve 'o stesso. Cu' ll'ammore nun facite tanto 'e gualluzzielle (galletti), avasciate 'nu poco 'a cresta, sinno' currite 'o rischio e v'appicceca' cu' 'o cumpagno o 'a cumpagna vosta. Chiste so' 'e nummere vuoste: Tre, vintuno e vintinove, pero' nun v' 'e ghjucate pecche' tanto, 'stu mese nun jesceno.   Toro 20 aprile ~ 20 maggio           'O Sole è pusitivo pe' vintuno juorne, e pure chilli pianeti ca 'nce girano attuorno nun ve daranno assaje fastidio. 'A ripresa d' 'o lavoro v' ha fatto scurdà 'e prubblemi passati. Faciteve 'stu mese cu ll'animo qujeto, ca 'o ppeggio è passato. Settembre è pusitivo pure pe' studienti, ca ponno accummincià 'a scola cu' cchiù serenità. Nun pazziate c' 'a salute e state a sentì 'e cunzigli ca ve dà 'o miedeco vuosto. Pure si tenite nu' poco 'e reffreddore, vedite 'e seguì cu' pacienza 'a terapia. 'O rapporto cu 'o cumpagno o 'a cumpaga vosta è comme piace a vuje: Stabbile e duraturo. Pirciò mettiteve tranquilli e "nun rumpite 'o sciamarro" ("piccone" non picconate con la gelosia) Pe' vvuje 'nce stanno 'sti tre nummere: Otto, sirece, e uttantuno.   Gemelli 21 maggio ~ 20 giugno           Marte, Mercurio e Venere ve stregneno cu' 'nu sulo abbraccio. Forse 'a vvuje nun ve pare vero, ma 'a verità è ca 'stu mese tenite 'o core dint' 'o zucchero. Pe' vvuje s' avverano chilli suonne ca teniveve astipate. Arriveranno 'e ssuddisfazioni p' 'o lavoro, 'a salute e l'ammore. P' 'a fine d' 'o mese po' 'e ccose vanno ancora meglio, sarrà comme si sparasseno 'e "bbotte 'e S. Gennaro" (fuochi artificiali). 'E nummere vuoste so': Uno, diciannove e vinticinche.   Cancro 21 giugno ~ 22 luglio           Si tenite astipato 'nu poco 'e pacienza e buonumore, è venuto 'o mumento e ll'ausà. Pare ca tutte 'e pianeti se songo alliati tra lloro pe' ve fa 'nu dispietto. Nun facite discussioni 'ncoppo 'o posto 'e lavoro e vedite e nun cuntrarià 'o capo vuosto. Tenite mmano fino a quanno 'e ccose nun migliorano. Menumale ca 'a salute è stabbile e nun ve da gruosse prubblemi. N' 'a chiacchiera c' 'o partner ve fa arraggià 'nu poco, e si nun ve facite piglià dd' 'e turche, pure 'sta situazione, 'a 'nu poco 'a vota, s'arrisolve. Si proprio avite 'a jucà, allora pe' vvuje 'nce stanno: Tridece, sissanta e uttanta.   Leone 23 luglio ~ 22 agosto           Menumale ca so' cagnate 'e ccose. Putite finalmente accummincià a sta qujeti c' 'a capa. 'E prubblemi ca 'nce so' stati 'o mese passato l'avite superati, mò v'aspetta 'nu mese chino 'e suddisfazzioni e felicità, e si state penzanno 'a 'na decisione 'mpurtante, chisto è 'o mumento bbuono p' 'a putè piglià. Nun abbusate d' 'a rrobba fritta sinnò ve se 'ngrossa 'o fegato. 'Nu viaggio ve farà cunoscere ggente nova, e chi nun tene ancora 'a catena 'o core, ampressa trova ll'ammore d' 'a vita soja. 'E nummere bbuone so': Ddoje, quatte, e sissantotto.   Vergine 23 agosto ~ 22 settembre           'O Sole v'accumpagna fino 'o 21 e po' ve lassa, pirciò apprufittatene. Guditeve 'nu poco 'a vita e nun ve lamentate d' 'o ssupierchio comme facite sempe, ma accuntentateve e chello ca 'a natura ve regala. 'O lavoro va bbuono e 'a salute pure, però 'nu poco 'e ginnastica 'a matina ve farà accummincià meglio 'a jurnata. Pe' chi tene 'a famiglia, chisto è 'nu mese sereno e tranquillo. Chiste so' 'e tre nummere pe' vvuje: Quinnece, trentuno e nuvanta.   Bilancia 23 settembre ~ 22 ottobre           Marte, Mercurio e Venere stanno dinto 'o segno vuosto. Doppo 'o vinte 'e Settembre però, Venere ve lassa, e lascia 'o spazzio a 'o Sole ca vo' trasere 'e preputenza dint' 'a Bbilancia, e cu 'sti tre pianeti ca tenite 'ncoppo 'a capa nun ve ferma cchiù nisciuno. 'A dinamicità e 'a 'ntelliggenza so' ll'arma segreta vosta. 'Stu mese, una ne facite e cient'ate ne pensate. Si nun tenite ancora 'o partner, nun ve preoccupate, ca c' 'o fascino ca tenite 'sto mese, ne truvate a centenare. 'E nummere l'avisseve da' vuje, ma si nun 'e tenite, 'nce stanno chisti cca': Unnece, trenta e sittantotte.   Scorpione 23 ottobre ~ 22 novembre           'A tranquillità d' 'o Sole e 'a pacatezza 'e Giove, ve 'nfondono pace e serenità. Ve fanno addiventà addirittura cchiù saggio, e chi ve sta avvicino se stupisce pe' comme riuscite a dimustrà 'a 'sperienza e l'equilibbrio. 'Ncoppo 'o lavoro 'nce starranno nuvità, ma vuje 'e sapite affruntà cu' ffermezza e decisione, raggiungendo risultati ca faranno ascì 'a mmiria da' 'e culleghi vuoste. Si tenite quacche dubbio parlatene c' 'o partner vuosto ca ve po' da' 'na mano. Si vulite fa 'na puntata piccerella jucateve: Nove, sissantanove e sittantaquatte.   Sagittario 23 novembre ~ 21 dicembre           Tenite 'e tre moschettieri, Marte, Mercurio e Venere ca ve pruteggeno e ve regalano ll'ammore. 'Nce sta sulo 'nu poco 'o Sole ca se mette 'e travierzo e ve fa sentì 'nu poco 'nzuddisfatto, ma nonostane chesto, tenite 'a pussibbilità d' ottenè buoni risultati 'ncoppo 'o lavoro, riuscenno a organizzà 'nu prugetto p' 'o futuro. Si tenite 'o core libbero, sarrà ancora pe' poco pecchè chisto è 'nu mumento bbuono pe' putè truvà ll'anima gemella. Sette, diciotto e vintotto ponno essere 'e nummere ca ve fanno vencere.   Capricorno 22 dicembre ~ 20 gennaio           A vvuje 'o Sole v'accumpagna fino 'o vintuno 'e Settembre, po' v'abbandona comme già hanno fatto ll'ati pianeti. Nun ce penzate pecche 'nce sta Giove ca ve segue, ma si avita piglià 'na decisione facitelo cu' calma e ponderazione. Chiste, pe' vvuje è 'nu mese e passaggio ca nun ve porta cose bbone ma manco malamente. Ogni tanto cuntrullate 'a pressione e si 'o miedeco ve prescrive 'nu poco e riposo, statelo a sentì. Pure cu ll'ammore vale 'a stessa cosa, pirciò vedite e nun lassà 'a via vecchia p' 'a nova. 'E nummere vuoste so': Durece, trentatree sittantacinche.   Acquario 21 gennaio ~ 19 febbraio           Mercurio, Marte e Venere dint' 'a bilancia ve danno finalmente 'na bbona dose 'e buonumore. Doppo 'o mese 'e Agosto, ca è stato 'nu poco scumbinato, nun ve pare vero ca 'e ccose so' cagnate. 'Stu mese 'nce sta 'a pussibbilità e 'na trasuta 'e solde, ca nun fanno maje male. 'O rapporto cu' ll'amici è cchiù sereno, e pure c' 'a famiglia, si 'nce stata 'na cuntrarietà, chianu chiano s'arrisolve. 'Nu viaggio ve farà 'ncuntrà 'na perzona ca po' pe' vuje addiventerà 'mpurtante. Jiucateve: Vinte, sissantacinche e uttantacinche.   Pesci 20 febbraio ~ 19 marzo           Dint' 'a primma mmità d' 'o mese 'e Settembre 'o Sole ve po' causà 'nu poco 'e fastidio, mentre tutte ll'ati pianeti fanno p' 'a vvede' ca vuje nun esistite. Chi è 'mpiegato dint'a ll'ufficio, o sta accumincianno 'nu lavoro nuovo, s'adda sta accorte d' 'e culleghe 'nu poco mmiriuse. Sarrà comunque 'o principio 'e n'autunno assaje tranquillo. 'A siconda mmità d' 'o mese 'e ccose vanno a migliorà, pirciò si avite a fa' coccosa 'e 'mpurtante, astipatavella cu' pacienza, e vedite ca 'e frutte 'e cuglite primma o poi. Pure cu' ll'ammore avite fa attenzione, nun cercate 'e nnuvità e teniteve astritto chello ca già tenite. 'E tre nummere vuoste so' chisti ccà: Quattuordece, quarantuno e cinquantaquattro

    blogantropo

23 August 2008, 22:14:30   0 commenti

Zodiaco d' 'o blogantropo

L' oroscopo napulitano d' 'o mese Agosto 2008

24 July 2008, 19:56:53

Vai a . . .   Zodiaco - Oroscopo del mese

 

A G O S T O   2 0 0 8

• Ariete • Toro • Gemelli • Cancro • Leone • Vergine
• Bilancia • Scorpione • Sagittario • Capricorno • Acquario • Pesci

 

Ariete

20 marzo ~ 19 aprile

        Puoje sta tranquillo, Agosto te porta 'nu cuòfeno 'e cose bbone. Pure si tieni a Venere ca sta pe' te lassà, pecchè 'nce stanno 'nu sacco 'e pianeti a favore tujo.
'Stu periodo tieni 'o penziero fisso 'ncoppo 'o lavoro, e faje bbuono pecchè mò staje capenno ca puo' purtà annanze 'nu prugetto ca teni a paricchio tiempo dinto 'a capa. Chesto te fa partì c' 'o père justo.
'Stu mese è pusitivo pure p' 'a salute. Te siente forte, te pare ca puoje spaccà 'o munne.
Si si' libbero è facile ca truove 'a perzona justa, pure si 'o pprincipio sarrà sulo n'amicizia, e po' chissà…
'A semmana furtunata toja è 'a primma, e mità d' 'a siconda.
'E nummere furtunati so': ”quinnece, vinticinche e uttantune”.

 

Top

 

 

Toro

20 aprile ~ 20 maggio

        Cerca e sfruttà ll'occasione bbona quanno te vène. L'intelliggenza 'a tieni, 'a pratica pure, pirciò nun tieni scuse. Vide 'e te movere pe' fa bella figura c' 'o capo tujo.
Siccome stu' cavure nun te giova assaje, statte accorto cu' mmagnà e vide e nun t' appesantì.
Si tieni 'nu prubblema sfuogate pure c' 'a famiglia toja, ca t' aiuta a schiarì 'e penzieri.
A fine d' 'o mese 'nce sta coccheduno ca te fa 'na proposta pusitiva.
'E nummere furtunati so': ”quatte, vintiroje e vintotte”.

 

Top

 

 

Gemelli

21 maggio ~ 20 giugno

        Tieni a Marte ca sta 'nu poco cuntrario, però nun te 'a preoccupà pecchè Mercurio e Venere stanno d' 'a parta toja.
'Ncoppo 'o lavoro te 'a regolà. Cerca e fa' attenzione, e si 'nce stanno nuvità, vàluta bbuono 'e decisioni che 'a piglià.
Faje attenzione 'e reumatismi, nun fa sfuorze e cerca e nun sudà. 'Nu poco 'e sole te fa bbuono.
Cu' ll' ammore nun cagna 'a via vecchia p' 'a nova, ca te puoje truvà dinta 'a 'na situazione 'nu poco 'ngarbugliata.
'A semmana bbona toja è 'a siconda.
'E nummere furtunati so': ”otto, vintiroje e uttantacinche”.

 

Top

 

 

Cancro

21 giugno ~ 22 luglio

        Venere l' ha fernuta e te dà fastidio, pirciò nun te 'a preoccupà cchiù; chiano chiano 'e ccose s' acconceno.
Tieni 'a pussibbilità e purtà annanze 'nu lavoro nuovo cu' 'e risultati ca te daranno belle 'e suddisfazione. 'Na trasuta 'e sorde nun fa maje male.
Si tenive n' acciacco mo' è scumparso, però faje 'nu poco 'e dieta, ca te fa bene, e nun te fa vestì 'na taglia 'e cchiù.
Cu' 'nu poco 'e tenerezza puoje sciogliere 'o parter tujo, e si 'nce stata quacche chacchiera ampressa se ne và.
D' 'o primmo a dieci di Agosto so' 'e juorne furtunate tuje.
'E nummere furtunati so': ””sirece, sittantaseje e uttantuno”.

 

Top

 

 

Leone

23 luglio ~ 22 agosto

        'Nu poco 'e ombra pe' via 'e Venere ca se mette 'a 'na mala pusizione, ma 'nce sta Mercurio, Marte, Giove e Saturno ca te pruteggeno.
Nun te lascià svià 'ncoppo 'o lavoro, e nun penzà 'e chiacchiere d' 'e culleghe, mantiènete cuncentrato e vide ca po' 'e risultate veneno.
Cerca 'e nun mangià troppo piccante, evita pure tropp' uoglie.
Cu' ll' ammore 'e ccose so' 'nu poco 'ncasinate, però 'nce stanno amicizie nove ca stanno arrivanno.
'O periodo pe' te cchiù pusitivo so' 'e dieci juorne ca stanno a cavallo d' 'o ferragosto.
'E nummere furtunati so': ”durece, trentaquatte e sissantaseje”.

 

Top

 

 

Vergine

23 agosto ~ 22 settembre

        'E ccose vanno accussì accussì, 'nu poco si e 'nu poco no, però fatte curagge ca se tratta 'e poche settimane.
Nun te lascià 'nfluenzà d' 'e culleghe tuje e nun te distrarre 'ncoppo 'o lavoro, sinnò quanno arriva ll' occasione toja, va a fernì ca 'a pierde.
P' 'a salute nun ce stanno grosse nuvità, però si staje facenno 'na cura siegue buono 'o miedeco tujo.
In amore 'nu malinteso ca se po' superà, basta però ca nun te faje cundizionà 'a 'na senzazione d' 'o mumento.
'A fine d' 'o mese è pusitiva, e pe' te 'nce staranno bell' 'e nuvità.
'E nummere furtunati so': ”trentaquatte, sittantaquatte e uttantotte””.

 

Top

 

 

Bilancia

23 settembre ~ 22 ottobre

        È 'nu mese assaje 'mpurtante. Tutte 'e pianeti stanno cu' te e te pruteggeno.
Dinto 'o lavoro puoje piglià 'nu bbuono risultato, chello ca semmini doppo raccogli. 'Na trasuta 'e denare fa 'a felicità toja.
'A forma fisica è a posto, comunque 'nu poco 'e moto nun te po' fa male.
'E rapporti cu' 'a famiglia so' pusitivi, pe chi è spusato è capace pure che po' arrivà 'a cicogna.
7, 8, 9 e 10 so' 'e juorne furtunate tuje.
'E nummere furtunati so': ”vinte, trentuno e sittantotte””.

 

Top

 

 

Scorpione

23 ottobre ~ 22 novembre

        Siccome Venere sta diventanno 'nu poco negativa cerca 'e nun te fidà troppo d' 'a furtuna.
Si 'nce stanno nuvità 'ncoppo 'o lavoro lascia perdere e nun t' agità, cerca e rimanè 'e fora d' 'e chacchiere d' 'e culleghe tuje.
Si vaje a fa 'a vacanza all' estero vide di evità i paise addò nun ce stanno 'e regole d' igiene.
Nun fa chiacchiere cu' 'o partner tujo ca siccome staje 'nu poco nervuso puoje dicere coccosa 'e malamente e doppo te ne pienti.
Apprufitta d' 'a furtuna d' 'e primme juorme d' 'o mese pecchè doppo se chiude 'nu poco 'o cielo.
'E nummere furtunati so': ”ddoje, diece, uttantaseje”.

 

Top

 

 

Sagittario

23 novembre ~ 21 dicembre

        Marte sta d' 'a parte toja, però tieni contro Mercurio e Saturno, po' se mette pure Venere che s' annasconne e nun se fa vedè.
Cerca e nun improvvisà cu' 'o lavoro, compuortate cu' chiarezza e trasparenza e statte accuorto quanno manìe 'e denare, cunta bbuono e si nun sì sicuro cunta n' ata vota..
'A salute è discreta ma cerca e nun affaticà 'o fegato.
Nun cercà ammore nuove pecchè nun è 'o mumento. Doppo 'a mmità d' 'o mese 'e cose cagneno e te puoje sfizià.
'O periodo tujo vène doppo d' 'o vinte Agosto.
'E nummere furtunati so': ”trenta, sissantuno e nuvanta”.

 

Top

 

 

Capricorno

22 dicembre ~ 20 gennaio

        C' 'o Sole dint' ' o Leone te siente cchiù sicuro, te fa essere capace 'e truvà 'na soluzione pe' ogni situazione.
Chiste è 'o mese ca te cunsente 'e raffurzà 'a pusizione toja dinto 'o lavoro. Priparate 'o turreno pe' 'na prumuzione.
Chest'estate 2008 sarà pe' te 'na staggione 'a ricurdà. Fà 'nu poco 'e fitness e mangia sano, 'o riesto 'nce penzano 'e stelle.
'A pussibbilità 'e cagnà casa, chiù spazziosa, addò finalmente puoje sistimà tutta 'a famiglia.
L' ammore va sempe 'a migliorà, però circa 'e essere 'nu poco cchiù ddoce.
'O periodo bbuono è tutto 'o mese però 'a finale và ancora meglio.
'E nummere furtunati so': ”unnece, quarantatre e sissantaquatte”.

 

Top

 

 

Acquario

21 gennaio ~ 19 febbraio

        'O sole te fa acalà ll' energia, e te fa perdere 'nu poco 'e fforze, ma tu regisci cu' ll' ottimismo.
Mercurio addeventa alliato tujo doppo 'o 10 Agosto, pirciò all'inizio d' 'o mese cerca e stà qujeto, nun cercà e te scuntrà cu 'e cullabburature tuje. Vide pure 'e nun cercà sempe 'o pilo dint' 'a ll' uovo.
Venere te prutegge 'a salute e te fa sta bbuono, però si te staje accorto è ancora meglio.
In amore cerca d'avè cchiù cumprenzione p' 'o partner tujo, e si 'nce sta 'nu prublema, c' 'o tiempo s' acchiana tutte cose.
'E nummere furtunati so': ”quattuordece, cinquantaquatte e cinquantasette”.

 

Top

 

 

Pesci

20 febbraio ~ 19 marzo

        S' arape 'na staggione pusitiva. 'O Sole e Venere te danno energia e vitalità fno a metà mese quanno Mercurio se mette 'o cuntrario.
Si coccheduno te dice ca tu si' 'nu poco 'mpulsivo, stallo 'a sentì pecchè è 'o vero. 'O calore e 'sto mese te fa essere pulemico, litiggiuso e 'nzufferente. Sfuogati pure cu' ll' amici fidati ca te fa bene.
Ogni tanto cuntruollate 'a pressione d' 'o sanghe. 'O primmo signale 'e n' acciacco fatte subbeto visità.
Si te staje priparanno p' 'o futuro matrimmonio, nun fa 'e ccose affrettate… 'nce sta tiempo.
'E nummere furtunati so': ”otto, vintitre e uttantanove”.

 

Top

24 July 2008, 19:56:53   0 commenti

Pagine: 1 2 3 4