L'oroscopo d' 'o blogantropo
mese di luglio 2008
22 June 2008, 22:59:08 • Oroscopo
Vai a . . . Oroscopo del mese
• Ariete • Toro • Gemelli • Cancro • Leone • Vergine
• Bilancia • Scorpione • Sagittario • Capricorno • Acquario • Pesci
Ariete
20 marzo ~ 19 aprileSe staje cercanno 'o lavoro, vide e te 'a movere, pecchè 'nce sta Mercurio ca se ne sta jenno dint' 'a natu segno. Pigliati chello ca te capita, pure si te ne jì 'a parte 'e fore.
Da' mmità do' mese 'e Luglio 'e ccose vanno 'nu poco storte. 'Na chiacchiera cu 'e cumpagne tuje, o n' appicceco dint' 'a fatica te fanno nnervusì assaje. Menumale ca 'nce sta Marte ca te prutegge e te dà 'nu poco 'e sicurezza e forma fisica.
Cultìvate l' ammore pecchè l'anema gemella te fa superà 'stu ppoco 'e nuvolamiento
Toro
20 aprile ~ 20 maggioTieni 'o Sole ca t' accumpagna, te mette 'o buonumore e te fa sta bbuono ammiez' 'e cumpagne e 'e culleghe e lavoro. Cerca però e nun strafà, ogni tanto pigliati 'nu poco e relax.
Si 'e fa 'nu viaggio te puoje pure addivertì pecchè Mercurio te sta vicino e te fa cunoscere tanta ggente.
Stu mese tieni 'nu sex appeal nummero uno, apprufittane.
Gemelli
21 maggio ~ 20 giugnoA te 'o Sole te dà 'a certezza. 'O mumento è buono si 'e piglià 'na decisione oppure 'e fa 'na scelta.
Mercurio t' accumpagna e t' aiuta se tieni 'nu colloquio 'e lavoro oppure tieni già n' attività.
Forse coccheduno te restituisce 'nu prestito, pecchè Venere dice ca te trase coccosa 'e solde.
'Na discussione in famiglia, ma niente 'e grave, si staje calme 'a puoje superà.
Cancro
21 giugno ~ 22 luglio'O Sole trase dint' 'o segno tujo all' una 'e notte e te fa l' augurie 'e cumpleanno.
'A curdialità, 'a disponibilità, e 'o benessere, stu mese so tutte tuoje. Ogni tanto dà n' uocchie arreto pecchè 'nce po' essere coccheduno ca se n' apprufitta.
Pe' te po' essere 'nu periodo furtunato. 'O lavoro va buono e l' ammore pure, apprufittane e sfrutta st' occasione ca te danno 'e stelle.
Leone
23 luglio ~ 22 agostoC' 'o Sole areto 'e spalle te manca ll' energia e l' ottimismo. 'Nce sta 'nu collega tujo ca te vò fa cadè, ma tu nun t' appaurà ca tieni 'a Marte ca te dà 'nu poco 'e carica e te fa jì annanze senza troppi prubblemi.
Pure Venere, fino a metà mese, sta 'e spalle toje e te provoca 'nu poco 'e tensione e malumore cu 'a famiglia. Doppo 'o 13 Luglio però trase dinto 'o segno tujo e accummenceno 'e signale 'e furtuna cu 'a salute e cu ll' ammore.
Vergine
23 agosto ~ 22 settembrePe te 'nce stanno belle nuvità in arrivo. 'Na cunuscenza nova te fa truvà l' opportunità pe 'nu lavoro.
Chi tene n' attività, cu 'a grinta e 'a forza 'e vuluntà, po' allargà 'o campo d' azione.
Venere sta vicino 'o Sole e te po' fa realizzà 'nu suonne ca tenive astipato.
'O rapporto 'e coppia è sereno, pe' chi ancora nun tene l' anima gemella 'nce stanno assai occasioni pe 'a truvà
Bilancia
23 settembre ~ 22 ottobreStaje pe' affruntà 'nu periodo 'nu poco cumplicato. 'O Sole nun t' aiuta, però tu nun te vuttà 'nterra, tra poco 'e ccose cagneno.
Po' nascere 'nu problema 'ncoppo 'o lavoro, 'na chiacchiera cu ll' amice, tu cerca e sta quieto sinnò peggiori 'a situazione.
'Na spesa 'mpruvvisa te mette 'e malumore. Astrignete 'a cinta e nun te preoccupà, ca tra poco 'e ccose cagneno.
P' 'o mumento cunsuolate cu ll'ammore, ca sta jenno forte.
Scorpione
23 ottobre ~ 22 novembre'O Sole sta 'nzieme a te e te fa sta allegro. Si 'nce sta qualcuno che ha bisogno, te miette a disposizione.
'O mumento è buono pe' n' investimento, pe accattà o vennere 'na casa o pe' 'nu cuntratto cu 'e cliente tuje.
Statte accorto p' 'a salute, 'o primmo segnale fatte visità.
Cu l' ammore vaje forte. Chisto è 'nu periodo felice.
Sagittario
23 novembre ~ 21 dicembre'O Sole sta 'nfronte 'a te. Te fa aumentà 'a sicurezza de' fforze toje e te fa essere cchiù sicuro, favurenne 'a capacità toja e putè fa n' investimento.
Si vuo' fa carriera dint' 'a n' azienda, cerca 'e migliorà 'o rapporto co 'o capo tujo.
Doppo 'a mità 'e Luglio Venere trase dinto 'o Leone e pe' te s' arape 'nu periodo assaje furtunato cu ll' ammore.
Capricorno
22 dicembre ~ 20 gennaioStaje 'nu poco nervuso e pare ca nun tieni cchiù entusiasmo. 'O Sole te sta 'nu poco contro, ma nun t' agità tanto 'o ssaje "adda passà 'a nuttata".
Forse te faje 'nu viaggio luntane addò puoje fa amicizia cu' ggente nova ca te fanno scurdà si 'nce stata 'na cuntrarietà.
'O periodo è 'nu poco delicato pure pe' ll' ammore. Farraje chiacchiere in famiglia ma niente d' importante.
Acquario
21 gennaio ~ 19 febbraio'Stu Sole cucente te fa aumentà 'a vitalità, 'a voglia 'e fa, 'o benessere. Te truove buono cu' tutti quante. 'E culleghi, 'e cullabburatori tuje, so' cuntenti 'e sta 'nzieme a te. Se sì 'nu prufessionista libbero, tieni 'nu sacco 'e prugetti ca vonno essre realizzati.
Vide se te puoje mettere coccosa da parte ca te po servì pe' 'nu pruggetto futuro.
In ammore staje 'nu poco fermo. Che 'nce vuò fa. Vo' dicere ca t' arrepuose.
Pesci
20 febbraio ~ 19 marzo'Stu mese tu l' affronti cu energia, saje ca tieni 'nu sacco 'e frecce dint' 'a ll' arco e si coccheduno te vo' cuntrarià, tu 'o saje affruntà cu fermezza e decisione. Se faje n' attività 'nzieme 'a famiglia, nun fa 'o dittatore.
'A sveltezza e 'a decisione te fanno purtà annanze le mansioni e 'o lavoro ca te danno.
'Nu poco 'e ginnastica te fa aumentà 'o fascino e addeviente cchiù attraente.
22 June 2008, 22:59:08
0