Zodiaco del Vesuvio

Oroscopo napoletano d' 'o blogantropo

12 March 2008, 17:28:55 • Oroscopo

O R O S C O P O N A P O L E T A N O

ASTROLOGIA

OROSCOPO
NAPOLETANO
DEL MESE

Marzo 2008

Aprile 2008

Maggio 2008

Giugno 2008

Luglio 2008

Agosto 2008

Settembre 2008

Ottobre 2008

I segni zodiacali visti da gennaro langella

• Ariete • Toro • Gemelli • Cancro
• Leone • Vergine • Bilancia • Scorpione
• Sagittario • Capricorno • Acquario • Pesci

Ariete

20 marzo ~ 19 aprile
'O sole, quanno trase dint' all' Ariete, addiventa friccicariello, se vò fa sentì, e chilli ca nasceno dint' 'a stu segno, pure lloro so' 'nfurncuse assaje, comme v' aggia dicere: "Teneno 'o ppèpe 'nculo"!
Amore ~ Pe' lloro l' ammore è tale e quale 'a guerra; sempe 'na battaglia nova, nun pe' nniente teneno 'o ffuoco!

Toro

20 aprile ~ 20 maggio

"Ce vò 'a pacienza dicette zì Vicienzo" 'O Toro ne tene assaje e pacienza, però nun 'o facite 'ncazzà sinnò s' accummogliene ll' uocchie e nun vede niente cchiù. Tene 'a capa tosta e si se mette coccosa 'ncapa, chianu chianu se nne và ma 'o scopo sujo add' arrivà.
Amore ~ L'ammore d' 'o Toro è pe' ssempe. Tuccàtece tutte cose ma nò 'a famiglia.

Gemelli

21 maggio ~ 20 giugno
Chistu è 'nu segno 'nu poco distratto, sempe ca capa ammiezo 'e nnuvole, ma si 'o date 'a parlà nun 'a fernesce cchiù, v' accatta e ve venne senza ve ne fa' addunà.
Amore ~ Chi è nnammurato d' 'o Gemelli nun addà fa caso si se scorda 'e cocc' appuntamente pecchè isso è 'nu poco scurdariello.

Cancro

21 giugno ~ 22 luglio
Nun ce sta niente 'a fà; nun 'o faje fesso! Primm' ancora ca tu parle 'o Cancro già 'o ssape chello ca tu che vuò dicere. S' arricorda sempe d' 'o passato e te fà 'na capa tanto.
Amore ~ E' 'na perzona quieta e vò bbene 'a famiglia, basta ca 'o faje ddoje ciange e chillo nun te lassa cchiù.

Leone

23 luglio ~ 22 agosto
Aligante, attiggiùso, nun è mmiriùso, e pè fforza isso è 'o rrè! Ma si n' avite bisogno v' ò truvate, e si avìta organizzà qualsì cosa, 'o putite chiammà ca isso ve risolve.
Amore ~ Tutto se po’ dicere d' o' Lione ma nò ca è tirchio, quanno vò bbene a coccheduno 'o règne 'e regali e d' attenzioni.

Vergine

23 agosto ~ 22 settembre
Ccà c' avimmo sta accuorte, pecchè trattasi 'e perzona seria e rispettabbile. Chi è nnato sotto 'a Vergine è intelligente assaje e se fa sempe 'e cunte primma 'e ccumincià.
Amore ~ In ammore 'o Vergine cchù ca fà, penza.

Bilancia

23 settembre ~ 22 ottobre
'E ccose juste 'e ttène dinto 'o sangue. P' 'a Bbilancia l' ago addà sta sempe ammiezo, e si nce sta n' appicceco sape mette 'a pace.
Amore ~ Perde 'o meglio tiempo pe se fà bella, e si 'a vulite curteggià pure vuje v' avite curà.

Scorpione

23 ottobre ~ 22 novembre
'O Scurpione nun se fà mai a sgamà; è comm' accattà 'a jatta dinto 'o sacco, e forse è proprio chesto c' attira, comm' 'a 'na calamìta.
Amore ~ "Latin lover" Chesta è 'a parola justa.

Sagittario

23 novembre ~ 21 dicembre
'A simpatia ca tène 'o Saggitario nun 'a tène nisciuno, penza sempe 'o bbuono e jè sempe cuntento, si 'nce stai vicino ne sì cuntaggiato.
Amore ~ 'A fedeltà nun 'a cunosce, pirciò stataville accuorto.

Capricorno

22 dicembre ~ 20 gennaio
Propio tirchio nun è, dicimmo ca è cunservatore, 'o Capricuorno sape dà 'o ggiusto valore 'e ccose e s' astìpa 'a lira pe' quanno vèneno 'e tiempe nire.
Amore ~ In ammore è 'nu poco diffidente, però quanno sape a isso se votta a capofitto.

Acquario

21 gennaio ~ 19 febbraio
L'Acquario nun se vota maje arèto, va sempe annanze. E' 'nu tipo muderno e cerca sempe 'e ccose nove. E' pure 'nu poco volubbile, e allintrasatte po’ cagnà penziero.
Amore ~ L' Acquario nun se vò sentì 'ncatenato però è sincero e pur' isso vò 'a lealtà.

Pesci

20 febbraio ~ 19 marzo
Nce sta 'a ggente brava, ma 'e Pisce, forse, se mettono 'a coppa a tutte quante. Primma 'e penzà pe' lloro, penzano all' àte, e quando 'nce fanno 'na mal' azione, se chiudeno comme 'a 'nu riccio.
Amore ~ 'E Pisce sò rumantici e sonneno cu' ll' uocchie apierte.

blogantropo

gennaro langella

Il mio blog..